375 Fotos | 0 Reisetipps | 1182 Views

Reisebericht twittern

Scho bald ischäs sowit und mi ziehts für längeri Zit is Usland! Genauer gseit für 4.5 Mönät noch Canada und id USA. Dä Reisebricht isch für all Kolege und Koleginne sowie für d Famili wos intressiert was mir gad mached oder wo mir gad sind. I werd versueche das möglichst regelmässig z aktualisiere. Chunt halt immer drufa öb mir Internet händ oder nöd!

Zu minerer Reis bzw. üsere!
Ich flüg am 13.07.2012 vo Züri uf Toronto. I werd in Toronto 4 Wuche go Englisch lerne.

Am 11.08.2012 chunt dä Ivo uf Toronto und mir werdet no 5 Täg in Toronto sie.

Am 16.08.2012 übernämemer es Wohnmobil und fahret vo Toronto über Winnipeg, Edmonton, Calgary, Banff, Lake Louise, Jasper, Prince George, Whistler noch Vancouver wommer üses Wohnmobil am 13.09.2012 abgänd und no es paar Täg in Vancouver blibet.

Abem 19.09.2012 hämmer äs Auto vo Seattle für 6 Wuche. Mir werdet d Westküste under d Räder nä und bis uf Dallas fahre. Unterwegs werdemer in Los Angeles dä Savi no uflade.

Am 03.11.2012 flügemer vo Dallas noch Miami. In Florida hämmer 2.5 Wuche zit zum d Everglades zerkunde. Für diä Zit schlüssed sich d Vero und de Tom üs no a.

Am 22.11.12 flüget de Ivo und i no für ä Wuche noch New York, d Vero, dä Tom und dä Savi trettet d Heimreis a.
Am 30.11.2012 werdet mir in Züri den wieder Lande und dä Altag got wieder los. :(

Bi de Bilder häts üsi ungefähr planti Route.

Wer Rechtschribefehler findet dörf sie gern phalte. :)